Балаҕан ыйын 27 күнүгэр Сэмэн уонна Софрон Даниловтар ааттарынан Духуобунас киинигэр Саха Республикатын государственноһын күнүн чэрчитинэн, Горнай улууһа төрүттэммитэ 85 сылын көрсө, Семен Петрович данилов 100 сааһын көрсө, Софрон Петрович Данилов 95 сааһын көрсө оҕолорго интеллектуальнай Т.О.К. Толкуйдаа. Оонньоо. Кыай. күрэх буолан ааста. Бу күрэххэ Бэрдьигэстээх нэһилиэгин үс оскуолатыттан 5-с кылаас оҕолоро кыттыыны ыллылар. Оонньуу нөҥүө оҕолор  Россия, улуус, республика историятын төһө билэллэрин тургуттубут, саха омук баай историятын дьоҥҥо-сэргэҕэ  билиһиннэрдибит Күрэхпит сэттэ түһүмэхтэн турар. Хас биирдии түһүмэх түмүгүнэн хамаандаларга баал бэриллэн иһэр. Оҕолор олус үчүгэйдик бэлэмнэнэн кэлбиттэр, бары түһүмэхтэргэ эппиэттэһэн, киирсэн иһэллэр. Күрэх түмүгүнэн Гимназия оскуолатын үөрэнээччилэрэ «Үнүгэс» хамаандата: Федорова Тунаара, Баишева Ира, Аввакумова Аня, Краскова Саша, Николаев Айсаар кыайыы өрөгөйүн биллилэр уонна хайҕал суругунан, киинэҕэ сылдьарга босхо билет, минньигэс торт тутуурдаах үөрэн- көтөн дьиэлэригэр бардылар. Сэмэн Данилов аатынан оскуолаттан «Бэрдьигэс» хамаандата: Тимофеев Коля, Харлампьева Марианна, Андросова Снежана, Егорова Анжелика, Дьячковский Петя иккис миэстэни ылан туоһу суругунан уонна торт ыллылар. Үһүс бочуоттаах миэстэни Бэрдьигэстээх орто оскуолатын «Мичээр» хамаандата: Иванова Айта, Максимова Виолетта, Никитина Вероника, Павлова Надя эмиэ туоһу суругунан уонна минньигэс тордунан наҕараадаланнылар.  «Бэрдьигэс» хамаандаттан  Тимофеев Коляҕа уонна  “Мичээр” хамаандаттан Марков Уйусхаҥҥа анал бириистэр уонна «Тииҥ мэйии» диэни анал ааттар туттарыллыннылар. Оҕолор астынан, дуоһуйан, элбэҕи билэн-көрөн бардылар диэн бигэ эрэллээхпит. Инникитин даҕаны өссө маннык үрдүк   тэрээһиннээх күрэх буола туруоҕа.