Кулун тутар 20 кунугэр Саха норуотун биир саамай таптыыр, киэн туттар народнай поэта, чулуу общественнай деятель, өр сылларга Республика суруйааччыларын сойуустарын салайбыт саха саарына Семен Петрович Данилов 100 сааһын туолар бэлиэ күнүгэр анаммыт Горнай улууһун общественноһын уонна Саха Сирин суруйааччыларын делегациялара кыттыылаах торжественнай мунньах буолан ааста.

Бу мунньахха ынырыылаах ыалдьыт буолан кэлбит Саха народнай поэта, Саха сирин суруйааччыларын сойууһун бэрэссэдээтэлэ, Саха Республикатын Ил Дарханын сүбэһитэ, Саха Республикатын духуобунаска академига, литература суолугар киирэригэр Семен Даниловтан алгыстаппыт, кынаттаммыт, бырааттыы Даниловтар үтүө дьыалаларын салҕыыр утумнааччы, Семен Даниловтан хоһоону бэлэхтэппит - Харлампьева Наталья Ивановна, Саха Республикатын народнай суруйааччыта, Былатыан Ойуунускай аатынан государственнай бириэмийэ лауреата, Саха Республикатын Духуобунаска академига, Былатыан Ойуунускай аатынан государственнай музей директора Сэмэн Даниловтан элбэххэ үөрэммит, такыллыбыт, үтүө тылларын иҥэриммит “Кэбээйи бэлэҕэ” диэн хоһоону бэлэхтэппит, Сэмэн Данилов улахан эрэлин ылбыт– Лугинов Николай Алексеевич, Сэмэн Данилов “ литературнай уолум” диэн ааттыыр, Саха Республикатын суруйааччыларын сойууһун бэрэссэдээтэлэ, Саха Республикатын народнай поэта, Амма Аччыгыйын аатынан Саха Республикатын президенин бириэмийэтин бастакы лауреата, Саха Республикатын культуратын үтүөлээх үлэһитэ Мигалкин Иван Васильевич, поэт, Саха Республикатын суруйааччыларын сойууһун чилиэнэ, Былатыан Ойуунускай аатынан государственнай бириэмийэ лауреата, Былатыан ойуунускай аатынан литературнай музей үлэһитэ, Сэмэн Данилов хомуурунньугун таһаарса сылдьар Винокуров Николай Егорович – Урсун, Максим Кирович Аммосов аатынан Хотугулуу-Илиҥҥи федеральнай университет проректора Зайкова Надежда Михайловна, Сэмэн данилов кыыһа, Саха АССР норуотун хаһаайыстыбатын үтүөлээх үлэһитэ, алмаас промышленноһын ветерана, Бочуот знак орден кавалера Данилова Варвара Семеновна.

Кэлбит ыалдьыттар бары Семен Петрович Данилов кини истин сыһыанын, эйэҕэс холку майгытын, Саха Сирин кэрэ айылҕатыгар, дьонугар-сэргэтигэр тапталын инэрбит айан хаалларбыт хоһооннорун ахтан, санаан аастылар. Ынырыылаах ыалдьыттарга бу бэлиэ куну өйдүү-саныы сырыттыннар диэн сэмэй бэлэх туттардылар. Мустубут дьон-сэргэ Семен Данилов туһунан элбэҕи-саҥаны биллилэр, иһиттилэр. Бу дьоро киэһэбитин «Туймаада» саха государственнай вокальнай ансаамбыл Семен Данилов ырыа буолбут хоьооннорун ыллаан-дьиэрэтэн киэргэттилэр.

Олус истин, сылаас, иьирэх тыллардаах, киьи санаата сэргэхсийэр дьоро кун ааста диэххэ сеп. Кэлбит ыалдьыттар, мустубут дьон-сэргэ олус астынан, дуоьуйа сынньанан, элбэ5и билэн-керен, истэн бардылар диэн бигэ эрэллээхпит.