Олунньу ый 28 күнүгэр Сэмэн уонна Соппуруон Даниловтар ааттарынан Духуобунас киинин көҕүлээһининэн, Горнай улууһугар норуодунай поэт Семен Данилов сыла биллэриллибитинэн «Муҥхааллар мунньахтара» диэн 1 – 6 кылаас оскуола оҕолоругар улуустааҕы литературнай дьүһүйүү күрэҕэ буолан ааста. Күрэххэ улууспут оскуолаларыттан, ону таһынан оҕону эбии үөрэхтээһин тэрилтэлэриттэн уопсайа холбоон 10 бөлөх сайаапка биэрэн кыттыыны ылла. Литературнай дьүһүйүү күрэҕин сүрүн сыала-соруга народнай поэт Сэмэн Данилов оҕолорго анаан суруйбут айымньыларын кытта оскуола оҕолорун, нэһилиэнньэ киэҥ араҥатын билиһиннэрии, үйэтитии буолар. Кытта кэлбит бөлөхтөр күүстээхтик бэлэмнэнэн кэлбиттэрин көрдөрдүлэр.

Күрэх түмүгэр дьүүллүүр сүбэ быһаарыытынан кыайыылаахтар ааттара ааттаннылар: III степеннээх лауреат Дьикимдэ орто оскуолата «Муҥхааллар мунньахтара» дьүһүйүү (салайааччы Павлова Альбина Афанасьевна), II степеннээх лауреат Савва Тарасов аатынан Солоҕон орто оскуолата «Софрон Данилов «Көмүс балык» айымньытыгар олоҕуран дьүһүйүү (салайааччылар Тарасова Туйаара Александровна уонна Тарасова Прасковья Николаевна), I степеннээх лауреат Бэрдьигэстээх орто оскуолата «Муҥхаал буолар куһаҕан» дьүһүйүү (салайааччылар Данилова Парасковья Ивановна уонна Афанасьева Прасковья Анатольевна), III степеннээх дипломант Оҕону эбии үөрэхтээһин киинин уонна Бэрдьигэстээх орто оскуолатын холбоһук «Күнчээн» бөлөҕө «Муҥхааллар мунньахтара» дьүһүйүү (салайааччылар Кириллина Анна Романовна уонна Дьяконова Дария Семеновна), II степеннээх дипломант Улуустааҕы гимназия «Боруҥуй кинигэм муҥхааллара...» дьүһүйүү (салайааччы Ноева Мария Ивановна) уонна күрэх муҥутуур кыайыылааҕа буолла I степеннээх лауреат Сэмэн Данилов аатынан Бэрдьигэстээх орто оскуолатын 2 «в» кылааһын бөлөҕө «Муҥхааллар мунньахтара» дьүһүйүү. Ону таһынан биирдиилээн араас номинацияларга кыайыылаахтар ааттаннылар: «Бастыҥ кыыс оруола» Обутова Ксюша, «Бастыҥ кэрэхсэбиллээх герой» Кириллина Мария, «Бастыҥ сценическэй көстүүм» Сэмэн Данилов аатынан Бэрдьигэстээх орто оскуолатын 2 «в» кылааһа, «Бастыҥ омнуолаах герой» Николаев Айсаар, «Бастыҥ уол оруола» Семенов Марк. Бары кыттааччыларга уонна салайааччыларга күрэххэ кыттыбыттарын туһунан туоһу суруктар туттарылыннылар, кыайыылаахтарга хайҕал суруктар уонна сыаналаах бириистэр бэлэхтэннилэр.