Улуустааҕы «Ийэ – кыыһынаан» куоҥкурус.

Кулун тутар 22 күнүгэр Сэмэн уонна Соппуруон Даниловтар ааттарынан Духуобунас киинигэр «Ийэ кыыһынаан» куоҥкурус буолан ааста. Бэрдьигэстээх нэһилиэгиттэн үс ыал кытынна. Кривошапкина Ньургуяна кыыһынаан Миланалыын, Григорьева Алена кыыһынаан Кариналыын, Дьяконова Лена кыыһынаан Альмиралыын. Күрэх сүрүн тэрийээччилэринэн буоллулар: Сэмэн, Соппуруон Даниловтар ааттарынан Духуобунас киинэ, «Матери России» Горнайдааҕы филиала, Дьиэ кэргэни уонна ыччаты өйүүр уйулҕа киинэ, Улуустааҕы дьахталлар сэбиэттэрэ.

Куоҥкурус биэс түһүмэҕинэн ааста. Бастакы түһүмэх бэйэни билиһиннэрии, иккис түһүмэх – психологические ситуации, үһүс түһүмэх – талаан, төрдүс түһүмэх – «Мама – может все!», бэһис түһүмэх – “фэмили – лук”. Бары түһүмэхтэргэ кыттааччылар бары бэлэмнээхтэрин, талааннарын, араас түгэҥҥэ быыс хайаҕас булан тахсалларын, ыксаллаах кэмҥэ тугу барытын сатыылларын көрдөрдүлэр.

Бары да кыттааччылар олус бэлэмнээхтэр, кыайыыга дьулуурдаахтар, бары кэрэлэр-нарыннар.

Күрэх түмүгүнэн кыайыылааҕынан Алена уонна Карина Григорьевалар дьиэ кэргэттэрэ буоллулар. Иккис миэстэ Кривошапкина Ньургуяна уонна Милана дьиэ кэргэттэрэ, үһүс бочуоттаах миэстэни Лена уонна Альмира Дьяконовалар дьиэ кэргэттэрэ буоллулар.

Аҕыйах да кыттааччыылаах буоллар олус сэргэх, интириэһинэй куоҥкурус буолан ааста. Күрэхпитин «Көмүс далаһа» иитиллээччилэрэ, Кырдал үҥкүү ансаамбыла уонна Бэрдьигэстээх нэһилиэгин күөрэгэйэ, кэрэ куолас Нина Максимова киэргэттилэр.

Инникитин даҕаны маннык тэрээһиннээх элбэх күрэхтэри, куоҥкурустары ыытыахпыт диэн эрэннэрэбит.